قرار رئيس مجلس محافظة البصرة باعلان البصرة يوتــوبيا رسميــاً..!

  

متصيرلهم جـــــــارة...!!!!!!!!

اريد اضحك شوي... : حضرة رئيس المجلس حل كل مشاكل المحافظة ، الكهرباء بعد متنقطع، ولا المي، البانزين متوفر، النظافة يا الله الشوارع تلمع لمع..ماكو ولا متسول بالشارع،، القاء القبض على جميع اللصوص وعصابات الخطف والااغتيال والتخريب وجميع الخارجين عن القانون، تم اعمار جميع الابنية والجسور والمؤسسات الحكومية والاهلية، ضبط الشوارع وحركة المرو...ر يعني باي باي للازدحام، تنظيف مؤسسات الدولة من الفاسدين والمرتشين والمتملقين، نشر الامن والحماية يعني شكلكم احنا انام للصبح والباب مفتوح، القضاء ومكافحة جميع الامراض المتفشية والمعدية والنهوض بواقع الخدمات الصحية في البلد لدرجة الدكاترة عطالة بطالة هيجي كاعدين خصوصا اختصاص الاطفال، القضاء على البطالة يعني البصريين كلهم متعينين حتى الي بعده ما متخرج تعيين بجيبه، وماكو بسطيات ولا باعة جوالة، هذا كله أدى لانخفاض نسبة الطلاق والتفريق والمشاكل الاسرية في محكمة الاحوال الشخصية ولا وحدة تريد نفقتها ولا نفقة اولادها اصلا عايشين عيشة سعيدة، ضمان حقوق الارامل واهل الشهداء والمفقودين والمتضررين من الحرب ولاحداث التي تلتها، ضمان حقوق المتقاعدين حتى اغلبهم راح يصيف بهاواي اي لعد وين يودي الراتب..........تعبت............شوفوا مجلس محافظتنا شكد خدومين..اخر شي كعدوا يدققون بمظهر المدرسات والطالبات كونه يهدد امن الدولة وكل انجازاتها التي ذكرتها اعلاه ويهدم خطط بناء مستقبل افضل للعراقيين، اضافة الى انها مخالفة للقوانين الانسانية وتتعدى على حقوقها نعم .. وبعدين هن ليش يلبسن حلو ويتبرجن؟ مو كلشي متوفر الهن ومتزوجات والمستقبل مضمون..لك هذا غير بطر؟ دذكري الله بالحكومة ومجلس المحافظة ولبسي عباتك وكعدي بالبيت احسن معززة مكرمة ...ملكة وكلشي متوفرلج.

اليوتوبيا (البصرة سابقاً)

Share: