أنواع الذكاء حسب نظرية هاوارد جارنر وعلاقتها بحواس الانسان

اعداد وكتابة: ايفان الدراجي

بهذا الموضوع، رح أطبق طريقة النظر للأمور وتفسيرها من عدة زوايا، مو مثل ما تعودنا ومتعودين يا ابيض يا اسود!

دائما نسمع فلان ذكي وفلان غبي، فلان شاطر بالمدرسة وفلان رسب بدروسه، وبهواي مناسبات نسمع انو فلان ما كمل دراسة بس نجح بحياته والتفسير الغالب هو "الحياة احسن مدرسة" او "ابن سوق شاطر"، لان تبويبنا للذكاء او مدى نجاح الانسان منحسر بـ (ذكي) او (غبي)، بـ (ناجح بالمدرسة) او (راسب بالمدرسة). محاور جدا محدودة وعجزت عن تفسير نجاح ناس كثير رغم عدم تفوقها الدراسي وفشل ناس كثير بحياتها رغم انهم حملة شهادات عليا.

عام 1983 العالم النفسي هاوارد جارنر أسس نظرية ما زالت دارجة ومتداولة بالأوساط العلمية هي ان الذكاء اله 9 أنواع وليس نوع واحد فقط، وهلشي وصل اله من خلال دراسته لعدة اشخاص وملاحظته لتميزهم بمجالات دون أخرى. بهذا الموضوع مراح اشرح بس أنواع الذكاء حسب نظرية هاوارد مثل باقي المواضيع المتداولة على الانترنت، رح أضيف الها فلسفة ورأي شخصي من خلال ربط أنواع الذكاء بحواس الانسان وكيفية توظيفها، فبعضها تتطلب قوة ووجود حواس محددة حتى تتواجد عند الانسان وبعضها ممكن تتوفر بوجود بعض الحواس فقط. كل أنواع الذكاء هيه وليدة حاجة وتطور، تطورت مع الانسان ومهاراته لغرض التأقلم مع المحيط والنجاة من بدايات وجود الانسان القديم.

من تقره الموضوع اريدك تقول شنو نوع الذكاء الي ملاحظة عندك سواء اله علاقة بمهنتك او لا... نجي نعدد:

أولا: الذكاء المنطقي او الرياضي (Logical-Mathematical Intelligence)

موجود عند الناس المولعة بالأرقام والتحليل وحل المشكلات الي بيها حسابات ومعادلات علمية وتبدع بيها، يحبون الألعاب الاستراتيجية والألغاز الرياضية واي شي بيه سبب ونتيجة، ناس سعادتها بتحويل كلشي الى لغة الأرقام، مثل علماء الرياضات، مبرمجي الكومبيوتر، الفيزيائيين، المهندسين والمحاسبين. يمكن أشهر شخصيه ممكن اضرب بيها المثل هو شخصية شيلدون بطل المسلسل التلفزيوني المشهور (نظرية الانفجار الكبير big bang theory). هذا الذكاء يحتاج من الشخص ان يوظف حاسة واحدة للاتصال بالمعطيات الي يشتغل عليها ذكائه مثل النظر او السمع او أغلبهن اذا مو كلهن، بس يكون متلقي اكثر منه معطي.

ثانيا: الذكاء اللغوي (Linguistic Intelligence)

موجود عند الأشخاص الي عدهم قدرة اللعب بالكلمات والمفردات وتوظيفها لصالحهم، هم أحسن ناس ممكن يختارون المصطلحات والمفردات الصحيحة الي توصل الرسالة المطلوبة سواء كانت مباشرة او مبطنه للمتلقي، وهواي حكومات توظف ناس خاصة بهاي المهارات حتى تكتب الهم البيانات والخطابات العامة والسرية، وهواي شركات عدهم اقسام إعلامية خاصة توظف بيها هيجي ناس، ممكن نشمل تحت هاي القائمة الصحفيين الكتاب، الشعراء والمحامين أيضا. علاقة هذا الذكاء بالحواس اعتبرها توازن بين التلقي والعطاء، لذلك هو يحتاج يستخدم اغلب حواسه ويوظفها حتى ينجز أي مهمة.

ثالثا: الذكاء الحركي والعضلي (Bodily-Kinesthetic Intelligence)

الي يملكون هذا الذكاء هم الناس الأكثر سيطرة على عضلات جسمهم وتحركاتها وتوظيفها لإداء مهام معينة، مهارات فريدة بالحركة وحساسة بنفس الوقت مع قوة تحمل رهيبة، شايف أحيانا من يوقع شي قريب عليك اذا ارتبكت وما لزمته يعني ما عندك هاي البديهية العضلية واذا جسمك لا ارادي سوا حركة تتفاعل لإنقاذ الموقف يعني عندك هذا الذكاء. غريزة البقاء والنجاة يمكن اول محفز لهذا الذكاء عند الانسان منذ القدم ومن امثلتها ركوب الخيل والصيد واستخدام السيف او الأدوات القتالية القديمة. مع تطور العالم ما ظلت تقتصر على هاي المجالات، ابسط مثال الجراحين، الحرفيين، النحاتين والراقصين. مراح تحتاج لكل حواسك حتى يكون تطور هذا الذكاء، بس رح تحتاج لقوة وتركيز عضلي على الاغلب، وهو شخص معطي اكثر مما هو متلقي.

رابعا: الذكاء الموسيقي (Musical Intelligence)

نسميه غالبا بـ (الحس الموسيقي)، الشخص الي يعرف ويميز طبقات الأصوات وجماليتها من نشازها، الي ممكن يطور لحن او يتذوق الموسيقى بشكل مختلف عن باقي الناس والي على الاغلب يعتمد على حاسة السمع طبعا، عنده توازن بين التلقي والعطاء او تلقي فقط، مو بالضروري يكون موسيقي او مؤلف موسيقي، ممكن ببساطة يكون مستمع فقط، كان يكون مغني او مؤدي او مدرس حتى.

خامسا: الذكاء البصري (Visual-Spatial Intelligence)

مثل ما اكو ناس عدها حس عالي بالموسيقى، اكو ناس عدها حس عالي بالصور والألوان والتصميم، ممكن من نظرة يكّون تصميم ثلاثي الابعاد بدماغه للشيء بحيث يقدر يطوره او يحسنه ببساطة او يطلع الغلط الي بيه، واكيد هلشي يعتمد على حاسة البصر بالأساس، هلاشخاص يكونون جيدين باستخدام الخريطة وحفظ الأماكن وممكن نقول عدهم ذاكرة صورية للأشياء الملموسة، الأمثلة جدا بديهية كالرسامين ومصممي الكرافيك والديكور والمهندسين المعنيين بالتصميم اكثر منها حسابات. شخص ينطيك جمالية ويطرحها بأبسط الطرق الممكنة او اكثرها تعقيدا، على الأقل بالنسبة النا. ارشح انو تتطلع على اعمال الفنان الكوري (Kim Jung Gi) اعماله جدا دقيقة وكثيرة التفاصيل، مبهرة جدا.

سادسا: الذكاء الاجتماعي او الوجداني (Interpersonal Intelligence)

شخص يقرأ الناس مثل الكتاب ويفهمهم ويعرف شلون يتعامل وياهم، شخص يبني جسور وطيده مع الاخرين وصداقات ويكون على الاغلب محبوب ومريح لان ما يتحدد بطريقة وحدة بتعامله مع الاخرين وانما يتعامل مع كل شخص على حدة بمفتاحه، هذا الشخص لازم يستخدم كل ادواته وحواسه حتى يقره الاخرين وبعدين يتواصل وياهم، متفوقين بقدرتهم على تحليل وتقييم عواطف ونوايا ودوافع الاخرين وممكن يتنبؤون بيها أيضا. عدنا بهاي القائمة الفلاسفة، علما النفس، المستشارين النفسيين والاجتماعيين الي يتشغلون بالمبيعات (التجار) والسياسيين. تتذكرون شخصية الحاج متولي تاجر القماش؟

سابعا: الذكاء الذاتي (Intrapersonal Intelligence)

هو الشخص الي يفهم نفسه. غريبة مو؟ ممكن شخص يقول ليش منو ميفهم نفسه وليش يعتبر هلشي ذكاء. فهم الذاتي معنى واسع ومعقد، لا يعني فقط انو تعرف نفسك كان تعرف شنو تحب تاكل وتلبس وبس، انو تتصالح وتتقبل ذاتك وتحبها، وهذا أساس نجاح علاقتك مع الاخرين أيضا، لأنك عرفت شنو تريد وعرفت قيمة نفسك، بحيث مراح تكون بعلاقة غلط او وظيفة تقلل من شانك او تخاف من تحقيق هدف او طموح لأنك مو متأكد من نجاحك وخايف حتى من المحاولة، صراحة اعرف هواي ناس وبكثرة عدها صراع مع ذاتها وتفتقر لهذا النوع من الذكاء. هلشخص يكون قوية ومستقل ومؤثر بالأخرين من خلال تواصله وياهم، هواي ناس تحب تقلده وتعتبره مثل يحتذى به او قدوة. مهما كان مجالك فانت شخص ناجح بتعبيرك عن ذاتك، كان تكون يوتيوبر، كاتب، فيلسوف او أي شخص مهنته تعتمد على طرح أفكاره الشخصية ومناقشتها مع الاخرين من خلال نظرياته المطروحة.

ثامنا: الذكاء الطبيعي ( Naturalistic Intelligence)

الطبيعي هنا يعني بمعنى الطبيعة وليس المعاني اللغوية الأخرى الي ممكن تترجم من كلمات مثل normal، ترجمة المصطلحات للعربية أحس ما يوفيها حقها لذه كتبتها بالإنجليزي أيضا. مو كل الناس تفهم وتحب الطبيعة وعناصرها سواء حية او غير حية، هيه موهبة فريدة إنك تتواص مع الطبيعة والكون وتحبها وتحافظ عليها وتستغل مواردها، صراحة يكاد يكون علك بحد ذاته، خاصة التعامل مع النباتات والتربة والاحجار والمعادن، هواي اكو هواة يصرفون مبالغ كبيرة لاقتناء احجار، وناس تستثمر وقتها بالزراعة وعدها صبر على الاعتناء بيهن، واخرين يحبون الحيوانات بكل أنواعها، ممكن يكون اللمس من أكثر الحواس المستخدمة بهذا الذكاء. من ابسط الأمثلة علماء الجيولوجيا والحيوان والنبات، المزارعين ومربي الحيوانات او الي يشتغلون بأماكن بيها أنواع واسعة من الحيوانات مثل حديقة الحيوان والمحميات. من أشهر الشخصيات الي شفنا الها على نتفلكس برنامج وثائقي هو (Joe Exotic) الي كان يملك حديقة حيوانات فريدة بأمريكا واغلبها نمور وفهود وأسود الي كانت علاقته بيهن جدا قريبة ويعاملهم مثل حيوانات اليفة غير مفترسة!

تاسعا: الذكاء الوجودي او الحسي (Existential intelligence)

بعض الناس تسميه الأخلاقي أيضا، موجود عند الروحانيين مثل البوذيين، والمشككين على حد سواء، الناس الي تطرح أسئلة وجودية وتحاول تجاوبها بالبحث او التأمل، مثل شلون بدت الحياة؟ ليش انا موجود؟ شنو غرض وجودي بالحياة؟ هل تتناسخ الأرواح؟ هي هناك طاقة مرتبطة بالأشخاص؟ وغيرها من هاي الأسئلة. من الناس المميزين بيه هم الفلاسفة أيضا، الكتاب، المعالجين الروحيين وعلماء اللاهوت. اذا تؤمن بوجود حواس حسية أخرى فهؤلاء الأشخاص هم افضل مثال تطبيقي. من اشهر الشخصيات هو غوتاما بوذا الي أسس فلسفة ومدرسة حسية واخلاقية صارت اليوم من اكبر الأديان المتبعة بالعالم.

Share:

Read More

طبق حول العالم - المطبخ الألماني

مثل ما الالمان مشهورين بالبيرة، هم مشهورين بانهم يحبون اللحم لدرجة انو هو الطبق الرئيسي عدهم، وخاصة الپورك (لحم الخنزير).

وباقي الشغلات كلها يخللوها، حتى البيض مثل ما تشوف بالصورة. واشهر طبقين عدهم هو ال

Schweinshaxe (braised pork hock) يعني پورك مطبوخ ع البطيء

Saumagen (pork stomach) ومعدة الخنزير

لحد يقول يييخ، كلمن وذوقة، مثل ما اكو جماعة تاكل خفافيش وجماعة تاكل راس ورجلين ولسان ومخ الخروف، وناس مگظيتها عدس.. كلمن وذائقته.

المطبخ: ألماني

الاكلة: كتبت اساميهن فوق

المطعم: نسيت اسمه 😁

Share:

Read More

طبق حول العالم - kamayan feast

ما زايرة الفلبين بس سامعة انها من الدول الحلوة الي بيها جرز وسواحل، مال سياحة يعني

اكو مطعم حيل صغير وحيل مشهور والناس توقف عليه طوابير بالساعات بس حتى تعيش هاي التجربة من خلال احد الاكلات الفلبينية المشهورة، الصورة تشرح نفسها 😁

جربتها طبعا وكانت تجربة لطيفة بس مو مال كل يوم اكل هيجي!

الاكلة: kamayan feast

المطعم:Tinuno

المطبخ: فلبيني

Share:

Read More

طبق حول العالم - ميسو رامن الدجاج

تحت شعار من اختراعي: مو لان كل عراقي يحب الدولمة انت هم لازم تحبها، جرب كلشي!

جربت هنا كومة اكلات من مختلف الدول والثقافات، منها الي حبيتها ومنها لا

رح ابدي بالعشق 😍😍

الاكلة: ميسو رامن الدجاج

التصنيف: ياباني

المطعم: KINTON RAMEN

Share:

Read More

شلون تكسب ثقة رب العمل وشلون تطور نفسك بكندا؟

ايفان الدراجي

كندا مو جنة مثل ما متصور البعض، أي نعم هو بلد متطور وبيه قانون ويحترمون الانسان بس مو كل الي عايشين بيه ملائكة، تره ماكو واحد ميغلط، الكل يغلط والدولة الصح هي الي تعرف شلون تضبطها بالقانون بعدالة. هذا هو سر شعورك بالأمان بهاي البلدان لا اكثر ولا اقل.

هنا بكندا، الشغل عبارة عن سباق تنافسي، أحيانا شريف واحيانا لا.. طبيعي هلشي، طبيعي تلقى ناس تغار منك او تكرهك او تحاربك مثل ما تلقى ناس تساندك وتؤمن بيك وتوقف وياك..هاي خبزة، وبكندا الخبزة غالية! بس الي مراح تلقاه هنا، تهديدات قتل او عشاير او تحرشات جنسية او ناس تشوه سمعتك مثل ما جان يصير ببلدانا بالشرخ الاوسخ، للأسف لعبهم قذر جدا، وبكندا مهما كان الي وياك بالشغل كارهك او غيران منك ما ممكن ياذيك او يتطرف بردة فعله.

تعلمت من خلال مواقف صارت وياه ومن خلال منافسات غير شريفة من بعض زملائي بالعمل، انو العلاقات جدا مهمة، تحتاج ناس بمناصب عالية تعرفك وتثق بيك حتى توكف وياك، وهلشي يتحقق من تقدم لشخص خدمة وبالمقابل رح هو هم يقدملك خدمة. بيئة العمل بهواي شركات مو بس بشركتي تلعب السياسة بيها دور كبير، السياسة مو يعني أحزاب سياسية يعني كلمن وجماعته الي يدعمون قرار ما او تغيير ما. هنا الشركات دائمة التغيير بالضبط مثل ما نشوف بالأفلام، يبطلون ناس ويجيبون ناس، يسحبون منتج ويغيرون طريقة العمل وهكذا، لان السوق هيجي والشركة الذكية لازم تكون مرنة وقابلة للتغير حسب السوق والوقت حتى تظل تربح. هيجي بيئة عمل احبها، لان اني ملولة، ولاني اؤمن بالتغيير والتطور.. لهذا حبيت الشغل هنا وحبيت ابقه واتطور وياهم.. ومو بس هذا، أحيانا رح تغير مجال اختصاصك مثل ما صار وياي من خلال استغلال الي تعرفه وخبرتك حتى يخدم مجال ثاني.. لقيت نفسي انتقل من إدارة العقود والمشتريات لادارة العمليات والمشاريع لدرجة انو اني حاليا بديت ادرس بجامعة تورونتو حتى امتحن واحصل شهادة Project management ، صارلي بيها واهس وبلشت اشتغلها من فترة، بس الشهادة حلوة من تصير مذكورة بالريسومه هيجي كشخة.

اني اشتغل بشركة تسوي مشاريع بناء للدولة construction and infrastructure projects وبتورنتو هلشي ذهب، جرب ارفع راسك واحسب كل crane رح تشوف؟ مو اقل من ثنين، الكل يبني، من بنايات ناطحة للسحاب لمستشفيات ومدارس وطرق جديدة ومؤسسات ثانية، مثلا المشروع الي اشتغل بيه هو بناء خط مواصلات جديد الي يسموه المترو او السبواي ببعض الدول. تورنتو مدينة تتوسع وتكبر يوم بعد يوم وتوجه المستثمرين عليها قوي وداعم لكل هاي المشاريع من اليوم لبعد 10 سنين. من وصلت كندا جنت أقول اريد اشتغل بالنفط والغاز مثل ما جنت اشتغل بالعراق وجنت حابته حيل، بس هسه حبيت الكونستركشن اكثر لان اصعب وبيه تحديات وتغييرات دائمة وهماتين لان سوق النفط والغاز بكندا مو كلش قوي.

مره، اول مديرة هنا بكندا قالتلي شي بعدين فهمته، قالتلي تره كلمن يأدي شغله الي يأخذ عليه راتب، بس لازم الشخص ينطي اكثر حتى لو مستواه الوظيفي ما يسمحله او راتبه قليل لان لازم يخلي الشركة تعرف انو ما ممكن تستغني عنه، لازم تشوفين الشركة انو انتي دافعة راتبج من خلال شغلج ومن خلال الـ added value والي ممكن تكون أفكار تطورية او مساهمات ثانية. وهو فعلا هيجي، لازم تحسسهم انو ميكدرون بدونك والمفتاح لهلشي انو تشتغل بطريقتك انت مو الا تتبع طريقتهم، لا تخاف، ما دام رح تقدم نفس النتيجه او اكثر، اشتغل بطريقتك ولا تعلم احد. أي صح هاي انانية بس هذا ذكاء البقاء والتطور هنا بكندا او ع الأقل بمجال عملي.

تره الكنديين محتاجينك، انت وخبرتك واختلافاتك، لان هلشي يغنيهم، هم يردون أفكار جديدة وتجارب بلدان ثانية ممكن يطوروها ويستفادون منها، وشغله مهمة، اذا تلاحظ انو الي مولودين بكندا ودارسين بيها اغلب مجالات عملهم تعتمد على لسان وبداهة مثل المبيعات والموارد البشرية لان هذا الي فالحين بيه يحجون بطلاقة وبس، بينما العمل الصعب الي يحتاج اتخاذ قرارات وخبرة تقنية وعملية فهذا ع الي يجبوهم من بره، والي قلنا ببوست سابق ما نسميهم مهاجرين. كندا تحتاج ناس عدها خبرة واستعداد تقدم أفكار لهذا البلد وتخدمه، لعد ليش تتوقع فاتح بابها لكل العالم؟ وهنا تكمن فرصتك انو تشوفهم قيمتك وتكسب ثقتهم.

*الصورة: المنظر الي اشوفه من بنايتي

Share:

Read More

الفرق بين الصفر العربي والصفر الأجنبي – المهنة والمستقبل

ايفان الدراجي

المهنة هيه الـ career وهيه تختلف عن الشغل الي هو الـ job، المهنة هو شنو تريد تكون بالمستقبل وبأي طريق حابب تمشي وتتطور، اما الشغل فممكن يكون وقتي تمشي بيه حالك الى ان تكتشف شنو تريد تسوي. لهذا هذا البوست منفصل عن الي السابق الي حجيت بيه عن الشغل.

اني شخص ما يؤمن بالاصنام او المعابد المقدسة، مول لاني ملحدة، قبل لا اصير ملحدة، هيجي انولدت، عندي 1+1 ممكن يساوي شي ثاني مو 2. اني هيجي...تنطيني سؤال بيه خيارين اجاوبك اما بشي ثالث او بسؤال اخليك ترجع تعيد صيغة سؤالك الي. اني شخص لا يؤم بالقواعد والقوالب وعندي كلشي قابل للتغيير والتجديد، اكره الروتين والانظمة واحب التجربة والابداع. هلطبع والتفكير انولدت بيه، لا قريته بكتاب ولا احد رباني هيجي ولا تاثرت بشخص، انولدت بيه built in . اسأل هوايه بامور ما تخطر ع بال احد، جنت صغيرة يمكن 5 او 6 سنين، جان عدنا مكيف مثبت بالحايط وبيه عش عصافير مهجور من بره، طلع والدي ينظفه لان جان يدخل اوساخ وقش كلما نشغل المكيف، لقه بيه بيض مكسر: فاني هناك سألت والدي سؤال ماله علاقة بالبطيخه، قتله بابا شمدريهم الديناصور يبيض ما يجيب؟

كل الي كتبته وراح اكتبه مو تسويق لنفسي وانما حتى تفهم ليش تصرفت هيجي وليش وصلت للي وصلتله هسه.

جربت هواي أمور بحياتي، من مراهقتي وجان دائما حلمي انو أكون شي جبير، لان اعرف عندي طاقة وصبر وواهس اكمل بالشغلة الى ان اسويها. من جنت صغيرة جنت ارسم هواي لان هيه هوايه حبيتها ونميتها، وبديت بالرسم الجاد أيام جنت طالبة بالكلية، جنت اعرف هواي أساتذة فن، وجانوا يعارضون طريقة رسمي، جانوا يقولولي لارم تبدين بالبورترايت ومن تضبطينه تنتقلين للألوان والمناظر الطبيعية ومن تنضج شخصيتج الفنية يلا تكتشفين المدارس والأساليب الفنية. تدرون بشنو بلشت ارسم؟ تجريدي وتكعيبي ورمزي وسريالي، وبعدين وره كم سنة يلا بلشت بالبورترايت، بس بحياتي ما رسمت نخلة وبلم وصريفه مثل ما جانوا يطلبون مني.

هذا رابط لبعض لوحاتي للي عنده فضول يشوفهن

https://evanmurtadhaart.blogspot.com/2016/08/paintings.html

وهذا رابط للبورتاريتس الي رسمتهن

https://evanmurtadhaart.blogspot.com/2016/08/sketches.html

أتذكر اول معرض سويته جان سنة 2004 يعني وره السقوط بسنة، جنت بعدني طالبة بالكلية و جنت بوقتها لابسه حجاب -اجبارا طبعا- فنزلت صورتي بالجرايد ولوحاتي وراي وكاتبين جوه المقال معرض (الفنانة) ايفان الدراجي. والدي بوقتها اجاني مرتعب يركض، معترض ع لقب فنانة، قلي "بابا فنانة بمجتمعنا = كحبة، ترضين امشي بالشارع والناس تقول عني بنتك كحبة؟" هذا هو المجتمع وهيجي يفسر الفن. يعني بالـ2004 جانت الناس تنقتل ع الهوية والطائفية وبنات تنخطف وتغتصب لان ما لابسة حجاب وناس تنخطف علمود فلوس، وايفان مسويه معرض وكاتبين عنها فنانة، لا وجماله منزلين صورتها الحقيقية!

والدي وكل عائلتي محافظين وملتزمين بالدين حالهم حال هواي عوائل عراقية، يخافون من المجتمع وحجي الناس لان هم جزء منه. عندي 2 خوالي شيوعيين من سقط النظام رجعوا للعراق، هم شيوعيين أي ويؤمنون بالمساواة وحقوق المرأة بس بس بالشعارات والمقالات، صفر تطبيق بالواقع. اخذني مره واحد من خوالي لمقر الحزب يعرفني على مدير الجريدة هناك، اخذتله مقال الي حتى ينشره، كان المقال عن الطبقة البروليتارية وشنو حجمها وتاثيرها بالمجتمع العراقي. المدير بس قره العنوان قالي " لا.. انتي شلج بهاي السوالف، كتبي عن المرأة، عن الأزياء او الأبراج، عوفج من هاي السوالف تره محد يقراهن".

اني اقره كتب واحب اقره كلشي، فن وحب وسياسة واقتصاد ودين وفلسفة، كلشي. وهلشي ساعدني أكون أفكار واكتب واعبر عنهم بمقالات، هيجي بديت. بحياتي ما قلت لنفسي لاني بنية عايشة بهيجي مجتمع ولانو بعدني صغيرة اذن لازم اكتب عن كذا فقط لان هذا بس الي يناسبني والناس رح تتقبله مني. جنت انشر بالجرايد والمواقع عن طريق اني اراسلهم اونلاين واحيانا لاني اعرف فلان الي اعرف فلان الي وياي بالكلية وهكذا. من الرسم انتقل واهسي بالكتابة، وصار الموضوع عندي قضية حياة او موت، صار الموضوع بالنسبة الي انو لازم الكل يعرفني وانو لازم انشر كتب ولازم ولازم. المهم بدت كتاباتي تنتشر بهواي مواقع وجرايد لدرجة ظلوا الصحفيين والباحثين يسوون وياي مقابلات، والدي -مرة أخرى- مرة تعارك وياي وقالي " ترحين للمكتب تنشرين هاي السوالف بابا ذولة يقشمرون عليج بابا يردون يوكعوج" قتله بحياتي ما رحت لمكتب كله اونلاين او عن طريق الكلية وخلي شوية ثقة بيه اني مو غبية او مشايفه حتى يوكعوني ويقشمروني علمود مقال ينشرونه. هيه هاي المشكلة العويصة: عند الاهل البنات كلهن عبارة عن كس مكشوف وباقي العالم قضبان منتصبة منتظرة أي حركة غبية من البنية حتى تقشمرها. اوكي ما اعترض ع فكرة القضبان المنتصبة بس اني انسانة عندي فكر ورأي اريد اعبر عنه، اني لا لحمة تمشي بالشارع ولا كس مكشّف. وارفض احد يعاملني ع هلأساس. وهيجي بدت عندي شخصية ايفان الثورة الي تريد تغير المجتمع والعالم حولها.

انتقلت من مرحلة التعبير عن أفكار عشوائية الى الكتابة بهدف التغيير عن طريق النقد واثارة الأسئلة، ظليت انتقد المجتمع والدين والسياسة وتطوعت بعدة منظمات منها منظمة حرية المرأة وانخرطت بعدة حركات سياسية منها حركة ديمقراطيون الي بوقتها جنا نتبع كتاب يحجي عن تطبيق الديمقراطية وشلون بعض الدول الاوربية قدرت تغير أنظمتها من خلال اتباع هلكتاب، وظلينا نسوي اجتماعات ونحجي ويه ناس بره العراق حالمين انو رح ننتهز فرصة سقوط نظام صدام ونأسس بلد ديمقراطي حقيقي قبل لا تستولي عليه الميلشيات الدينية... هه بطرانين مو؟ بهلفترة هماتين، بلشت تحقيقات صحفية عن جرائم الشرف والعنف ضد المرأة والجرائم ضد المثليين وتعاملت من جهات اجنبية ومنظمات عالمية باعتباري مراسلتهم جوه العراق.

هلمرحلة من حياتي كلفتني هواي، تأذيت هواي وتعرضت لمواقف ومشاكل من اهلي وبالشارع ومن ناس اعرفها وما اعرفها اونلاين وحتى من زملائي بالعمل، أي العمل، لان اخذتلي سنين بهاي المرحلة مؤمنة بتغيير العالم والمجتمع واشتغلت ع هذا الهدف. اهلي بالبداية كانوا وياي ويشجعوني ارسم واكتب، لان جنت صغيرة وجانوا متصورين هاي هواية وفترة وتشبع وتمل، بس بدوا يصيرون ضدي ويمنعوني من شافوني جادة وعندي اهداف... هنا خافوا واتخذوا من الخوف مبرر لكل اعتراض ولكل مرة وقفوا بيها بطريقي حتى لو جنت انشر بوست بالفيس من خلال شاشة!

بس بعدين اكتشفت شغلة مهمة، جدا مهمة، انو اني ما جنت اريد اغير العالم والمجتمع، جنت اريد اغير حياتي اني وعالمي اني، واكتشفت انو هلشي مراح يتحقق عن طريق عمل سياسي او كتابة مقال او المشاركة بمهرجان او الانضمام لمنظمة او حركة ما.. هلشي تحقق من سويت اكشن حقيقي جريء وخطير، من قدمت تضحية حقيقية، من شلت جنطتي على ظهري وتركت كلشي وراي وبديت من الصفر بمكان يحترمني كإنسانة عدها أحلام وأفكار تريد تعبر عنهن. لهذا بطلت اكتب مثل قبل للي يسأل وهواي سألوني ليش بطلتي مو جنتي مُلهمة. الجهل كثيف ويتكاثر بسهولة وبسرعة، اذا تسّكت او تعلّم جاهل واحد يطلعلك ثاني يوم الف غيره وانت لوحدة وقلمك بهاي المعركة. جنت اصدق بالمثل الي يقول ( اللحاح يفك اللحيم)، هه..لحيم الشرق الأوسط اصلي وكلشي ما يفكه، لحيم متكون من قبل العصر الطباشيري ومتأصل بالجينات، ينولد الطفل وهو عنده شوارب شتترجي بعد؟ هامش: جبتها ع الشوارب عود هاي شغلة ذكورية..هاهاها.

من سافرت ووصلت لكندا، جان براسي هواي أحلام ممكن احققها بهلـفضاء الحر الإنساني. جنت اريد انشر كتاب عن قصة حياتي، جنت اريد اسوي قناة يوتيوب احجي بيها عن قصتي، جنتي اريد اسوي ورشة رسم وامتهن الفن، جنت اريد اكمل اخراج مسرحي لان جنت كلش احب المسرح، خل ارجع شوي ليوره كم سنة من جنت بالعراق، من الشغلات الي جان الي واهس بيهن، الفن المسرحي والسينمائي، اشتغلت ويه هواي ناس من ضمنهم صديقي العزيز محمد العامري، اشتغلنا أفلام قصيرة ومسرح وهواي من اعمالنا ترشحت بمهرجانات معروفة ومنها الي اخذت جوائز.

نرجع... من سافرت ووصلت لكندا، تغير كلشي كل تفكيري وكل خططي، وتغيرت اهتماماتي كليا، تعرفون ليش؟ تولدت براسي أسئلة تنتهي بعبارة (وبعدين) ، رسمت وبعدين؟ كتبت كتاب وبعدين (هامش اني ناشرة 4 كتب سابقا)؟ ماكو بعدين.. اني طلعت وحققت الي اريده فخليني استمتع بيه وكافي لطم وانتقادات لان هلمجتمع الي تركته مراح يتغير لو بعد مليون سنة ولا يهمني بعد يتغير، مثل ما عانيت يخليهم يعانون لان من ايدهم، يردون يغيرونه خلي هم يتغيرون بالأول. فقدت الاهتمام بكل القضايا الي جنت اؤمن بيها، من احتاجيت وجنت بأزمة لا فادتني منظمة ولا كاتب ولا جريدة ولا رسم ولا فيسبوك. الي فادني هو ايماني بالثورة والقوة الي بداخي. بس لازم اعرف هسه اني شنو اريد؟ شنو هو مستقبلي؟ وشنو اريد أسوي بحياتي. البزنز وتحديدا العقود والمناقصات، الجانب التجاري منها، صار واهسي الجديد.. ما اعرف يمكن بسبب تأثير الرأسمالية، او لا.. بصراحة بديت هذا الواهس من جنت بالعراق، مديرتي جانت إنكليزية وتعلمت منها هواي أمور، أتذكر اول مرة وره ما تخرجت اشتغلت على شوي ارقام بالاكسل شيت واني اكره الرياضات بسبب عقدنا المدرسية ومناهجنا العقيمة، فبعدني ما اعرف شي قلتلها لا تنطيني هيجي شغل اريد غيره لان اني اكره الأرقام، قالتلي لا بالعكس، اني متأكدة انتي تحبيهن ورح تبدعين بشغلج من خلالهن بيوم من الأيام... هيجي بلشت بكندا بنفس الشغلة الي جنت اعرفها بالعراق وتطورت من عدها الى شي ثاني رح احجي عنه مفصلا والمواقف الي تعرضت الهن واني اصعد السلم ببوست ثاني، هذا البوست صار كلش طويل.

*الصورة من حفل توقيع 2 من كتبي سنة 2014 واحد صدر عن دار الغاوون والثاني عن دار اكد.

Share:

Read More

الفرق بين الصفر العربي والصفر الاجنبي - الناس والعادات

ايفان الدراجي

قبل لا نبدي نحجي عن الناس خلونا نفهم شي، يأما تسمي كل الناس الي عايشة بكندا كنديين او لا، ليش؟

يعتمد ع تعريفك للكلمة، ماكو شي اسمه كندي مولود اب عن جد الا السكان الاصليين، باقي الناس كلها الي عايشة هنا هيه مهاجرة.. سواء هسه او قبل 10 سنين او 100 سنة. عمر الدولة الكندية 150 سنة من يوم تأسست، بداية بدخول الانجليز والفرنسيين والي تلتها الهجرة الي حصلت من اسيا الشرقية ومن كل اوربا، اللي هاجر سبب الحرب العالمية والي هاجر لاسباب اخرى. وهيجي بدت الناس الاجيال بكندا. بكندا ميحبون كلمة مهاجر، لان يعرفون انو كل الناس حواليك هم مهاجرين او ابائهم اجو مهاجرين وبعدين اولادهم انولدوا بكندا. السكان الاصليين جدا قليلين وأغلبهم عايشين بمدن خاصة بيهم لاسباب اما سياسية او الها علاقة بعادات واسلوب حياتهم مراح اخوض بيها هنا.

هسه اتفقنا انو كلنا مهاجرين بس كنديين، بمجرد ما تدخل البلد باقامة مهما كان نوعها خلاص انت كندي ويمشي عليك القانون والك حقوق حالك حال غيرك.

تورونتو، اكثر واكبر مدينة باونتاريو بيها مهاجرين، 6 مليون شخص تقريبا الي عايش بيها، لانها تتميز بكثرة فرص العمل وهذا اهم سبب لاجتذاب الناس الها.

كل هذول المهاجرين = الكنديين ناس حبابة وكيوت وفريندلي ع رغم اختلاف ثقافاتهم وخلفياتهم العقائدية واسلوب حياتهم. بس محد اله علاقة بالثاني، مو معناها محد يحجي ويه اللاخ، لا قصدي محد يحكم عليك او يحاسبك ع شنو انت، ذكر او انثى، سترايت او مثلي او متحول جنسيا ابيض او اسمر او اشقر. محد يحاسبك شنو تاكل او ليش هيجي تلبس. من تمشي بالشارع تسمع مختلف اللغات واللهجات. ميفرضون عليك لغة او لكنة ما.

كلمن بحاله، ميدّخلون ولا يأذون احد. ما يخافون من المختلف ويحاربونه او يهددون بقتله مثل بلدان الشرق الاوسط. تحس نفسك عايش بوسط عالم مصغر بس متجانس ومتفق ع انو كلنا هنا بشر ومن حقنا نكون ونعيش مثل ما نحب، المهم ما نخالف القانون وما نأذي الغير.

عنصرية ماكو، وهذا اهم شي على خلاف بعض الدول الاوربية وبعض مدن امريكا. شكد صارت شغلات وحوادث، الاعلام ما يوجه اصابع الاتهام لفئة ما كأن تكون مسلمة او اسيوية او اي شي. اعلام محايد، يتجنب العنصرية واثارة الفتن قدر الامكان.

تلقى مهرجانات سنوية تنظمها الدولة وتكون عامة حتى تحتفل بكل فئة، مثل يوم الفخر للمثليين، راس السنة الصينية، الكرسمس، اعياد المسلمين ورمضان، الهانوكا، مهرجانات للهنود والايرلنديين والسكان الاصليين، و الكاريبيين .. اضافة للفن والسينما والمسرح والرياضة وكل النشاطات والثقافات.

لحد يسألك من وين جان وشنو اصلك خاصة اذا ميعرفك، مو من اول حوار، محد يسأل ليش ما تلبس حجاب اذا انت عربي او ليش متصوم او ليش تاكل بورك او ليش تشرب كحول، محد يسأل انت عايش لوحدك لو جاي ويه عائلتك. كل هاي الاسئلة كنت انسألها ومن خلالها ينحكم عليه من جنت ازور اي بلد عربي .. حتى لو رايحة اشتري خبز، ابو المخبز ينطي نفسه الحق انو يتدخل بخصوصياتي ويحقق لا وينطيني رأيه هم مع نصيحة مجانية.

طبع الناس هنا تستحي، مو باردين ولا مغرورين، بس لان يخافون يضايقوك لان ميعرفون طبعك ولا تقاليدك.. كلمة سوري ع طرف لسانهم حتى لو انت الغلطان. يحترمون كبار السن جدا وموفريلهم الاولية بهواي امور.

تعلمت هنا عادات جديدة وصرت كيوت مثلهم، شاركت الاسيوي والافريقي والاوربي، المسيحي واليهودي، الصغير والچبير افراحهم واعيادهم واكلهم. مثلا، صرت احتفل بالكرسمس والثانكس كيفين والهانوكا مثل هواي ناس، مو لدواعي دينية، بس لانو هيه تقاليد حلوه نتجمع بيها ويه اصدقائنا وناكل ونكظي وقت حلو ويه عوائلهم.. وهلشي يقربك من الناس ويعلمك تحترمهم ع رغم كل الاختلافات العقائدية والفكرية.

رح احجي بشوية تفصيل بالبوست الجاي عن الاشياء الي جربناها سواء كونها جديدة او لان نكهة التجربة غير لانها بكندا.

*الصورة بالشتا بـ دنداس سكوير.

Share:

Read More

الفرق بين الصفر العربي والصفر الأجنبي – الشغل والضريبة

ايفان الدراجي

الشغل موضوع جدا شاسع، كل شخص حسب مقوماته، علاقاته، ذكائه ومدى تأقلمه ويه الوضع. احترم الانسان الي يشتغل مهما كانت وظيفته وهو أحسن من الي يتحججون وياخذون مساعدات تطلع من راتبي وتعبي. الدولة ما تنطي شي من جيبها كله منك الك. 

اكو مؤهلات كالشهادات الطبية والتقنية والهندسية والقانونية والي بمجالات حساسة رح تحتاج تسوي امتحان وتاخذ رخصة كندية، واذا ما اخذت الرخصة ما تقدر تشتغل بيهن، لهذا حملة هاي الشهادات يعانون بالبداية. بس هو شغل ذهب بصراحة! 

كندا بيها شغل هواي، وفرص هواي ومكن تسوي أي شي تريده واي شغله تشتغلها، يرحبون بيك وبخبراتك خاصة اذا تفتح بزنز خاص، هيه الصعوبة بس بالبداية، بس اذا خليت رجلك ع اول الطريق خلاص، رح تطير. 

المشكلة الوحيدة، ماكو ضمان انو رح تبقى بوظيفتك للأبد، ولا ممكن يخلوك بوظيفتك اذا انت مو عنصر منتج ويشوفون نتيجة، خاصة الشركات، اذا ما تقدم نتائج استثنائية بسهولة يستغنون عنك. ما يدفعون راتب ابلاش. لا حزب يفيدك ولا معارف ولا تكظيها تأخذ اجايز وتتهرب من الشغل، كندا ع كد ما تنطيها تنطيك. وكلمن وكفائته، سواء بشهاداته او بخبرته الطويلة او حتى بشخصيتك، هواي ناس هنا شفتها رواتبها خياليه بس لان عدها شخصية مميزة مثلا تخلي الشركة تربح صفقات كبيرة او تبيع منتجات باعداد كبيرة، هذول الناس يأما يكونون بمجال المبيعات او بمجال إدارة الاعمال، او بالمجال القانوني، تلقى كل الي يسوي هلشخص انو يحضر اجتماعات وتلفونات يمشي بيها الشغل. وهلشي يأكد كلامي، كلمن وكفائتة، ياما اكو ناس بالبلدان العربية اعرفهم ، مميزين واذكياء، فنانين ومبدعين بس للأسف أي فرصة او تقدير ما الهم الا ما ندر. ابسط شي ابسط شي هنا اذا الناس تحب شخصيتك كمدرب لياقه خاص رح تعيش احلى عيشه او اذا ترسم تاتو حلو تصير ملك. 

لو بطلت من شغلك لاي سبب، تقدم ع الدولة ينطوك شهريا من فلوس الضمان الوظيفي الي أصلا كان يستقطعوها من راتبك. يعني يجمعولك وقت الشدة.. يظلون ينطوك لفترة من الوقت لحد ما تلقى شغل جديد.. هنا محد يموت من الجوع ولا ينذل وينهان...فديتها كندا! 

بكندا، الضرايب على الرواتب نوعين: ضرايب فيديرالية وضرايب المقاطعة وتتراوح نسبتها حسب الي يدخلك بالسنة. هنا يمشون ع المجموع السنوي مو الشهري. واغلب الشركات توزع الرواتب مرتين بالشهر. هاي اذا كانت تستلم (راتب) سنوي. اما الي يستملون (اجر يومي) فاصحاب العمل يوزعونه اما أسبوعيا او مرتين بالشهر او شهريا.. حسب. 

طبعا شغلة الراتب السنوي والاجر اليومي مالها علاقة بنوع وظيفتك، ممكن تكون مستشار قانوني وتاخذ اجر يومي حسب عدد ساعات العمل وممكن تكون موظف بنك وتاخذ راتب سنوي. الاثنين الهن حسبة مختلفة من ناحية الاستقطاع الضريبي... وهاي يم الدولة. 

الفرق بين كندا وامريكا: أمريكا مو كل ولاياتها تأخذ ضريبة ع الراتب بينما كندا كل مقاطعاتها تأخذ. اكو ولايات ومقاطعات تاخذ شوي واكو تأخذ هواي، حسب نشاط المدينة التجاري والانتاجي ومدى اعتماد الدولة عليها. 

هامش: اكو نوع ثالث من الضرايب الي هو عن كل سلعة او خدمة تشتريها وهاي لوحدها بصراحة كسران ظهر بكندا، وهماتين تختلف من مقاطعة الى أخرى، مثلا تورونتو ضيف ع سعر أي سلعة او خدمة 13%، كيبيك 14% برتش كولومبيا 12% ، البرتا 5% وهكذا. 

صح نوبات ننزعج من شغلة الضرايب وشغلة انو لازم نشغل لحد اخر قطرة من طاقتنا، بس تره حقك راجعلك، محد يسرقه منك، الخدمات متوفرة سواء البنية التحتية، المواصلات، الكهرباء والمي، الصحة والامن...وحتى الترفيهية، هواي منها مجانيه. كندا تأخذ منك وتنطيك بطريقة مختلفة. 

يا ترى هلنظام صعب يتطبق بالبلدان العربية خاصة العراق؟ هم أصلا معبين بجيوبهم ملايين، ليش ميصرفون شوي منها ع الشعب، مو قصدي يطشون الفلوس بطيارة بالشارع، بس اشتغلوا شوي حللوا هلفلوس من نلعلعلعلعى. 

Share:

Read More

الفرق بين الصفر العربي والصفر الأجنبي – الكردت كارت والسكن

ايفان الدراجي

ملاحظة: العملة المستخدمة بالبوست هي الدولار الكندي 

ما ممكن نسمي بداياتنا بأوطاننا الام صفر، مهما كان كانت عائلتك او اقاربك او اصدقائك او حتى المعارف، الهم مساهمه بدراستك ووقوفهم جانبك معنويا وماديا. ولا ننسى شغلة المعارف خاصة والواسطات. 

اول شغلة كالوها الي من جيت لكندا، ابني شبكة معارف، قالولي: حتى لو سيرة العمل عندج خرافية وخبرتج 20 سنة وعندج 10 شهادات اذا ميعرفوج مراح تحصلين شغل. وهلشي مو بس ينطبق ع الشغل، حتى ع السكن والكردت كارت وحسابات البنك والقروض الدراسية وشراء السيارة واي شي. النظام هنا بكندا سلس من ناحية القروض الي ممكن الخصها بشغلات رئيسية ابتداء من الأقل للأعلى: الكردت كاردت وتبدي من $500 ، قرض السيارة ، لاين اوف كردت واكبر واهم شي قرض شراء البيت. طبعا استثنيت قروض البزنز لان ما عندي بيهن تجربه لحد هسه. 

** الكردت كارد يعني مبلغ يعرضه عليه البنك حتى تستخدمه ببطاقة بلاستيكية كـ دين، بس اذا ما سددت بموعدك، الفائدة كلش كبيرة ممكن توصل الى 22%. 

كل شخص لازم يكون عنده كردت كارت، ليش؟ لان بيها تاريخك المالي ومدى صحة وضعك المادي، الحكومة رح تبدي تعرفك من خلالها، البنوك وارباب العمل والبرنز وهواي مؤسسات، يقيمون الشخص حسب نقاط الكردت مالته، هواي موافقات ورفض وحجوز فنادق وووو كومة ما اكدر كلهن اعددهن يعتمدن ع هلشي. 

طبعا محد رح يشوفون معلوماتك بس تكون ع شكل نقاط. كلما نقاطك اعلى كلما الناس تعرف وتطمأن لان معناها الكردت مالتك قديمه وانو انت يدخلك راتب وشغلك مستمر وما عليك ديون ما ممكن تسددها. بشنو تفيدك هاي النقاط؟ ابسط شي من تروح تأجر بيت او شقة هنا وحسب قانون اونتاريو واعتقد هلشي فيديرالي بكل كندا وامريكا هم، العقد يبدي سنوي، ياخذون اول واخر شهر وتكتب شيكات بالايجار مال 10 الأشهر البقية من السنة مقدما بس يصرفوها بوقتها مو كلهن هسه يصرفوهن. واهم شغلة يجيكون عليها حتى يقبلوك هو نقاط الكردت مالتك. حتى يتاكدون انو انت ممكن تتحمل تكاليف الايجار لمدة سنة، وره السنة رح تصير شهر بشهر. اكو استثناء واحد وهو اذا دفعت ايجار السنة كلها ليكدام كاش. مثلا الايجار المتوسط حاليا بتورنتو لشي غرفة نوم وحدة هو $2500 يعني لازم تدفع كاش $30000 ثلاثين الف! 

قليل الي عدهم هاي الامكانية، زين شتسوي اذا انت جديد بالبلد وبعدك ما عندك نقاط والكردت جديدة؟ 

هذا اول صفر رح تواجه، اتخيل اذا تريد تاجر بيت بوطنك، رح تحتاج كل هذا؟ 

اكو حلول طبعا مثل الي احنا سويناها، تخلي كردت وانت تدفع للبنك فلوس حتى ينطيها الك لان مو كل البنوك رح تقبل تنطيك كردت كارت وانت جديد أي سجل ما عندك وياهم، فممكن تخلي $500 بالكارت وتستخدمها والي هيه أساسا فلوسك. تنتظر لازم كم شهر يلا تبدي تصير عندك نقاط. وتدور سكن مشترك كان يكون غرفة او قبو او بيوت بأماكن جدا جدا بعيدة عن المدينة ونادرا ما تتاجر، او... معارفك يدورولك شخص ممكن تشاركه السكن او تاجر منه وممكن يستثنيك من هاي الشروط بكفالتهم. 

نرجع نقارن ويه الوضع باوطانه من خلال النظر الها من نافذة تجربتي الشخصية، والي صارت بيه بكذا بلد عربي ومتأكدة صارت لاكثر من بنية خاصة اذا لوحدها، مراح يطلبون مني تقرير الكردت وشيكات، رح يعرفون شلون يأمنون الماديات وبنفس الوقت رح يتحرش بيه جنسيا لان يطمع بيه كبنيه مسافرة وعايشة لوحدها، وع فكرة اكو أصحاب أملاك هنا بكندا -من غباءهم- بعدهم يسوون هيجي ويه العربيات، واكثر من مرة تسحلهم الشرطة وتطيح حظهم. بس اذا الشغلة بالاسود مثل ما يسموها والي معناها مو قانونية ولا كتابة عقد ولا بطيخ، فالقانون هنا مراح يكدر يحميك. هلشي خلاني استنتج، معناها حياتنا بالبلدان العربية كلها بالاسود! 

هم صار البوست طويل لهذا رح اكمل باقي الاصفار ببوستات لاخ.

Share:

Read More

Go Quebec save those women, ban the face covering (Niqab)

Evan Darraji

You don’t understand! It’s never been a choice, this is not about freedom.

Do you consider people who have been brainwashed, who suffered in jail, who have been humiliated and treated like objects where a man can possess them and control their entire life is a CHOICE?

Well, if that so then there is something wrong with you!

This thing is bigger than that, older and deeper. We are talking about an old stupid, suppressive traditions back to thousands of years ago where Arabs who used to live in the desert were treating women like sexual objects.

Objects that can sell, trade and even inherited. Those suppressive traditions have adopted by Mohammed when he wrote his Quran to stay in power.

In addition to that, he identified the women as a sin. Why is that?

Because he made them believe that God created women to seduce and ensnare men. 

And men are primarily created to worship God, they warn against female seduction and particularly against attachment to women. God requires the believer's total love and all of his capacity for emotional attachment: "Emotional attachment divides man's heart, and Allah hath not created man with two hearts within his body" (Quran Surah II: 165). That’s why women have to cover themselves and live their lives in a dark garbage bag!

The face covering thing (Niqab or Burqa’) is an old Islamic school called (The Sunnah Wahhabism), and by the way, this is where ISIS came from. They consider themselves the right representation of Mohammed’s law.

Imagine your 6 years old daughter having a brainwash in family, school, society, her religion and even her country law to convince her that she could go to hell for seducing men by only looking at her or hearing her footsteps or her voice, imagine your girl has to cover herself because there is a sick man around would rape her, because another sick man would like to marry her (have sex with her), any male in the street will harass her, will call her a whore for not covering herself, and if she did they still gonna treat her like this!

This 6 years old girl growing up believing all of that about herself until she began to consider covering herself is to honour her family and her religion until she started defends this and call it a choice or a freedom.

And even for the women who are living in North America or Europe, they live with their husbands, fathers or brothers, don’t ever think that they are free in these safe countries because they are not. Either they are living in a fear of the male in the family who keeps an eye on her, or she is a brainwashed to believe what I mentioned before. Name me one woman, one Arabic Muslim women who live alone in a liberal country and she still wearing a Hijab or Niqab. ZERO.

I am myself, I liberated myself when I arrived in Canada alone, and the first question they would ask me when I meet with any Arabic Muslim is (are you living with your husband or your family? Why you are not wearing a Hijab?) because this is their stereotype psychology.

It is time to fix this, to break that law and save those women.

Share:

Read More

A Friday’s freaky dream

Evan Darraji

"Dreams are open vistas of possibility that take us beyond our everyday self-limiting beliefs and behaviors.” Robert Moss
The dream started with me trapped in a house that has a beautiful front yard with a bunch of strangers trying to hold the wooden front door to prevent ppl from getting in the house. Lucky me I was the doorkeeper! 
And why is that? 
A charming white horse in the front yard going crazy, runs and jumps everywhere, it almost hurts the ppl outside. The ppl inside said that if you let those ppl in we all gonna get sick! Well, how is that? I didn’t know at that time yet but I hold the door anyway until I decided to let them in. I mean come on I can’t just let them die outside because of that crazy horse, at the same time I was afraid that the horse may take the chance and get. I opened the door frequently, every time for 7 seconds, I asked 7 ppl to get close to the door, and when I open the door and start counting they must get in quickly one by one.
The first round went successfully, however, in the second one an old lady was just standing there smiling at me and refused to get in, what the hell is wrong with you lady, I muttered.
Then suddenly, they started to do BBQ and pet the crazy horse! Only one skinny man was standing at the door begging to let him in, he had a suspicious appearance I didn’t wanna let him in until a young lady told me to do so because he is a biological scientist. He started biting ppl after I let him in, he was a zombie apparently. I know you gonna laugh at that coz it sounds crazy but this is what happened.
I opened the door to run out and locked the ppl in this time! The ppl inside were all infected, they were dangerous. I texted my GF (you know who is she  :D) asking her to wake up, she took a nap in the room next door, the room was semidetached to the house I locked.
Then I remember that this room has two doors, one is the exist to the front yard while the other one is the entrance to the house! And it is probably open! He got in a panic that infected ppl may attack her.
I rushed to her room and woke her up, there was a child sleeping next to her. And I was right, the zombies were trying to get in her room so I asked her to freeze and I walked tiptoe to lock the door. Guess what, the door has no lock! From nowhere a girl with green nail polish volunteered to hold the door. She literally melted her toes in the ground to do so!
In the meantime, we (myself, my GF and the little child) rushed out, locked the door and set in the front yard watching the brutal zombies tear the poor girl apart. When I turned my head to the other side coz I couldn’t handle it I shocked, white horses wore clothes on two feet were everywhere. Jeans and dresses even hats and glasses. Wait a minute, they are not horses, they are ppl turned into horses, the ppl were in the front yard at the beginning of my dream. Is that the disease they were talking about? 
But, who said that everyone on earth turned into a horse? Who said that we will turn into horses if we engaged with them? While I was looking for answers and try to analyze the whole thing, a group of dark skin ppl were marching. I was over the moon with what I saw, we run into those ppl and gave them hugs, they were surprised by our peculiar behaviour, then the alarm goes off in the morning.

Excuse my typos

Share:

Read More

حلم الجمعة الغريب

ايفان الدراجي

بالحلم، انا ويه مجموعة ناس ما اعرفهم ابيت ونحاول نقفل بابه حتى لا الناس الي بالحديقة يدخلون، ليش؟ يقولون لان رح نتمرض ونموت.. وطبعا اختاروني حتى الزم الباب وامنعهم. 

جان اكو حصان ابيض يجنن بره بالحديقة بس جان يطفر ويركض عبالك مجنون او مهتاج، والناس ملتمة ع الباب تخاف منه تريد تدخل. 

انكسر خاطري وقلت خل ادخلهم، ففتحت الباب ع السريع شوي وظليت احسب للسبعة ودخلت مجموعة منهم واحد ورا واحد وسديته. بس بالمرة الثانية فتحت الباب وجان اكو مره واقفة تبتسم وما قبلت تدخل.. شويه والناس بره بطلت تخاف وظلوا يلعبون ويه الحصان وسووا باربكيو! 

باستثناء شخص واحد واقف يتوسل يريد يدخل بس شكله مو مريح ومظهره مو مرتب ما ردت ادخله لوما وحده قالتلي هذا عالم بيولوجي ممكن يفيدنا. 

اشو فتحت الباب ودخلته للبيت منا وهذا هجم ع الناس منا. طلع زومبي وعضاهم كلهم وحولهم لزومبيات! ركضت طلعت بره وقفلت الباب عليهم. تذكرت شخص عزيز عليه نايم بالغرفة الي يم هذا البيت فديزتلها مسج حتى تكعد تشرد لان جانت نايمه. تذكرت بعدين هاي الغرفة بيها بابين باب ع الحديقة والثاني ع البيت، خفت لا يرحون الزومبيات يدخلون عليها لان مفتوح الباب. ركضت عليها وكعدتها وفعلا لكيتهم يردون يدخلون للغرفة. حاولت اقفله بس الحظ الاغبر طلع ما بيه قفل. فجأة اجت بنيه مخليه صبغ اظافر اخضر -لا تتعجبون هو بالحلم هيجي- تبرعت تلزم الباب لحد ما نشرد. البنية ذوبت اصابع رجليها بالارض ولزمت الباب. جان اكو طفل هم بالغرفه اخذناه وطلعنا وقفلنا الباب ورانا. 

كعدنا بالحديقة بره نتفرج ع البنية خطية شلون ياكلوها الزومبيات. ضجت من الي صار ودرت وجهي ع الشارع جان اشوف احصنة بيض لابسة ملابس، جينزات وفساتين ونظارات وتمشي ع رجلين ثنين بكل مكان! حظي هاي مو احصنة هاي الناس كلها هيجي تحولت. زين معقولة كل الناس ع الكرة الارضية تحولت احصنة؟ معقولة اذا ننزل للشارع رح نتحول مثلهم؟ 

وانا بغمرة تفكيري اجت مجموعة ناس سمر يمشون عبالك مسيرة، فرحنا كلش ورحنا نركض عليهم حضناهم هم تعجبوا من تصرفنا. وجان يدق المنبه الصبح.

Share:

Read More

The Canadian flag - العلم الكندي

Evan Darraji

 ايفان الدراجي

لما تشوف رمز الدولة بعلمها وكل المفردات الي تعبر عنها ماله علاقة... 

1- بشعار ديني يفضح عنصرية وتمييز افرادها وممثليها نافيا باقي الديانات والعقائد في الدولة؛

2- او رمز يدل على حقبة تاريخية معينة تتسم بالعنف والدماء الي سكبت من طرف او اطراف ما لتأسيس هذه الدولة وايضا على حساب الشرائح والاديان والعقائد الاخرى. 

وانما

رمزها جزء من طبيعة جفرافية او مناخية،  يعني شي تابع للارض والطبيعة والتشكيل البيئي على مر ملايين السنين ليس للانسان دخل بها، اصلا قبل وجود الانسان نفسه، مثل ورقة شجر القيقب بالعلم الكندي.. فاعلم بانهم امة رضيت عنهم الطبيعة وزادتهم نجاح وغنى وكلشي زين بالدنيا. 

بعدكم مصدقين القهر والضيم الي انتو بيه اختبار من الله!؟ 

I like the idea that the maple leaf is our symbol, not another religious or historical symbol represents violence and discrimination.

#Proud_to_be_Canadian 

Share:

Read More

Muslim scientists of the golden age were not actually Muslims

Evan Darraji

ايفان الدراجي

What it called the Islamic Golden Age usually dated from the middle of the 8th century to the middle of the 13th century. People keep repeating what they have been learned by their parents and teachers that the Muslim scientists during the golden age are the reason behind the western modern civilization and to brainwash Muslims and force them to believe that, ‘Islam actually brought science and modernity to this world’.

In addition, the world conspired against Muslims to steal their inventions and end their golden age. Well, let’s take a look to the following facts that you maybe never heard about them, or probably just ignored them:

-     *     Most of those scientists were not Arab, they were Iranian.

-     *     Many scholars and engineers were from various faiths: Muslims, Christian, Jews, and Hindus etc. not only from a Muslim background.

-    *      The fact that they called Muslims is because they born as Muslims.

-    *      Their achievement is part of the universal force of science and not the tents of Islam.

-    *      No one can claim Islam is a proponent of critical thinking and skepticism. In fact, Islam misuses science, claiming it is scientific, while whenever there is a clash between science and Islamic rules, always Islam prevails. I was told that masturbation is as horrific as a deadly disease and that circumcision is very healthy and that fasting makes you healthy by science teachers. And then we have ridiculous things like “the scientific miracles of Quran”. Islam like all religions is incompatible with science, and its dishonest claims don’t disprove that.

-     *     Most of those scientists were accused of heresy and infidelity as you will see (why) as below.

Al-Razi or Rhazes (865-925): On ReligionAl-Razi wrote three books dealing with religion: (1) The Prophet's Fraudulent Tricks, (2) The Stratagems of Those Who Claim to Be Prophets (Arabic حيل المتنبيين), and (3) On the Refutation of Revealed Religions (Arabic مخارق الانبياء). He offered harsh criticism concerning religions, in particular, those religions that claim to have been revealed by prophetic experiences.

Ibn Sina or Avicenna (973-1037): Avicenna's philosophy was based on a combination of Aristotelianism and Neoplatonism. Contrary to orthodox Islamic thought, Avicenna denied personal immortality, God's interest in individuals, and the creation of the world in time. He was holding philosophy superior to theology. In his commentary on theology, he dealt with God, creation, and angels etc. and many of his views on them stood in clear contradiction with their conception in the Islamic theology. He rejected the central Islamic doctrine of the resurrection of the dead in flesh and blood. Ibn-Sina had also thoroughly rejected religions, including Islam, as lies. However, as Ibn Sina himself hailed from Khurasan, one cannot dismiss the possible influences of Buddhism, Zoroastrianism and Hinduism on his philosophy. Because of his views, Avicenna became the main target of an attack on such philosophy by the Islamic philosopher al-Ghazali and was even called “apostate”.

Al-Ma'arri, (973-1057): He was a controversial rationalist of his time, attacking the dogmas of religion and rejecting the claim that Islam possessed any monopoly on truth.

The greatest Syrian philosopher poet, skeptic and freethinker known as "Lucretius of the East",

Al-Ma’arri despised religions in general and Islam in particular. In condemnation of religions in general, he wrote his poetic verses:

“Religion are noxious weeds and fable invented by the ancients, worthless except for those who exploit the credulous masses.”

Omar Khayyam (1048-1122): He was an epicurean philosopher, a rationalist skeptic and freethinker and follower of Greek philosophy, and scornful of religion and in particular of Islam. His views on Islam were in sheer contradiction with its fundamental precepts. He objected to the notion that every particular event and phenomenon was the result of the intervention of Allah. He did not believe in resurrection, Judgment Day or rewards and punishments in an alleged afterlife. Instead he was a naturalist and maintained all phenomena of observed on earth were guided by the laws of nature.

Ibn Rushd (1126-1198): He was condemned for heresy by the Christian, the Jewish and the Islamic orthodoxy. Religious leaders did not always praise his works; he was condemned for heresy by the Christian, the Jewish and the Islamic orthodoxy and his works were frequently banished and burnt. Ibn Rushd fell out of favor with the Caliph due to the opposition that theologians had raised against his writings. He was accused of heresy, interrogated and banned to Lucena, close to Cordova. At the same time, the Caliph ordered the books of the philosopher to be burnt, with the exception of his works on Medicine, Arithmetic and Elementary Astronomy (around 1195). Somewhat later the Caliph revoked the banishment and called Ibn Rushd back to Marrakesh. The works of Ibn Rushd also aroused admiration in Europe, even among those theologians who saw a danger for religious faith in his writings. In the 13th century, Ibn Rushd was condemned by bishops from Paris, Oxford and Canterbury for reasons similar to those that had caused his condemnation by the orthodox Muslims in Spain.

Al-Biruni (973-1048): In Islamic theology, al-Beruni assigned to the Qur’an a separate and autonomous realm of its own and held that the Qur’an does not interferes in the business of science nor does it infringe on the realm of science.

Al-Farabi (870-950): He made notable contributions to the fields of mathematics, philosophy, medicine, sociology and music. He was inspired by the Platonism and Neo-Platonism and was a great exponent of the Aristotelian school of philosophy. He wrote rich commentaries on Aristotle and like al-Razi, he considered reason superior to revelation and advocated for the relegation of prophecy to philosophy. According to him as quoted by Nicholson, “…reason should govern and control the life of man. He definitely did not believe in the inherent doctrines of the Islamic creed and wished it could be reformed guided by philosophy.

Jabir or Geber (721-815): Jabir is mostly known for his contributions to chemistry. His books strongly influenced the medieval European alchemists and justified their search for the philosopher's stone. In spite of his leanings toward mysticism (he was considered a Sufi) and superstition, he more clearly recognised and proclaimed the importance of experimentation.

Abbas Ibn Firnas (810–887): A philosopher, musician, singer and an astronomer, where magic and chemistry attributed to him. He frequently challenged his religion -Islam-, so he was accused of his faith, and was, in addition, a poetic poet in his poetry fond of singing and music, they are forbidden -haram- in Islam as you know.

In addition to many other scientists that I did not mention here but of course, you can read about them if you are curious and would like to enlighten your mind.

Religion had been at odds with science, still is at odds, and it will remain so until all religions would take demise from this mortal world. After the Renaissance (i.e. during the last 3-4 centuries) -in the marathon race of dominance, science had won and religion had lost. This is pure and simple. This is the reason ladies and gentlemen that you are living now in the dark ages instead of the golden one.

Resources:

-       -   The so called 'Islamic Golden Age': Was it really Islamic?

-       -   Let’s Stop Talking About “The Islamic Golden Age”

-       -   حقيقة علماء المسلمين الذين يتباهى المسلمين بهم

-       -   Neil DeGrasse Tyson - The Islamic Golden Age: Naming Rights

Share:

Read More

شوارع Split

ايفان الدراجي

الي مشايف فلم Split انصحه يشوفه، الموضوع مو عن الفلم مجرد تشبيه لا اكثر.

بكندا، اسماء الشوارع والمدن والازقة من تأسيس الدولة الكندية سنة الف وثمنمائة وشي لهذا اليوم نفسها ما تغيرت. تغيرت الاحزاب وأجو البريطانيين والفرنسيين وتشكلت الحكومة الفيدرالية وغيرها من التغييرات السياسية بس محد قال تعال نغير اسم هذا الشارع او ذاك.

طبعا اسماء الاماكن اغلبها اسماء قديسين او ملوك وملكات او قادة وكلنا نعرف السكان الكنديين خليط من كل دول العالم حتى ناس من دول مسامع بيها قبل هم حاليا كنديين وعايشين بكندا من سنين، وطبعا هذي الموزاييك السكانية تحمل اختلافات ثقافية وعقائدية وكلشي، بس ولا واحد اعترض على اسم مكان لان ما مثل تاج راسه او عقيدته او امامه. بس بالعراق كلما يصعد واحد للكرسي يغير العراق كله كمجتمع وكثقافة وحتى اسامي الاماكن يومية متغيره يوم مسمين الشارع او المدينة او الجسر باسم صدام ويوم ثاني باسم الصدر وقبل صدام والصدر كان الاسم الشائع هو الثورة او التحرير وهكذا.. حتى الاماكن بالعراق صار بيها فصام (Split) مو بس الناس.

Share:

Read More

Free info on Islam!

Evan Darraji - ايفان الدراجي

Free info about Islam! wait not for free they want a donation to poison you, people.

ok I will give you some free info about Islam for FREE as an ex-Muslim:

1- there are 164 Jihad verses in the Qoran, you know what is Jihad right? (fight in the way of Allah (jihad) and get killed will be given a "great reward" the 72 virgins are waiting for me in heaven.

2- Islam considers the non-Muslims (Christians, jews and all other religions) infidels "They do blaspheme who say: "Allah is Christ the son of Mary." But said Christ: "They indeed have disbelieved who say: Lo! Allah is the Messiah, son of Mary. Say : Who then can do aught against Allah, if He had willed to destroy the Messiah son of Mary, and his mother and everyone on earth? Allah’s is the Sovereignty of the heavens and the earth and all that is between them. He createth what He will. And Allah is Able to do all things. " Al-Maeda: verse 72

3- Death is the penalty for apostasy (leaving Islam).

4- Under Shari’a – Islamic law – a man can marry up to four wives. He can divorce his wife or wives by saying “I divorce you” three times. For a wife to obtain a divorce is usually very difficult. “Women are not given the right to instigate divorce because they are prone to emotional and irrational decision making. A husband, however, can divorce his wife at any time he so wishes.” Ayatollah Ali Moghtadai.

5- In the Qoran, the prescribed penalty for adultery is one hundred lashes and a year in exile – sura 24:1. However, Mohammed did condemn people to be stoned to death.

6- A Muslim Woman has to wear the Veil (cover her hair and body), she seduces men and that leads to Adultery!

7- Islam brainwashes people. Everything in Islam goes against Psychology and humanity. e.g, The dog is najis (filth) in Islam as shit, as well as women, both break wudu (washing before pray).

8- So far, scholars of Islam are studying stepping into the bathroom should be with the right or left foot!

and much more free info you can google about 

p.s: this pic by me at Dundas square

Share:

Read More

هل تبدأ حريتك من تربية شعر ابطك؟

ايفان الدراجي

لكل شخص متفه حقوق المرأه ومطشرها بين الشرخ الاوسخ والغرب وحاصرها بشعر الابط وتريد واحد سكسي ولازم تدفع الحساب بالاول يلا تطالب بحقوقها:

كل النسوان يشتغلن ويصرفن على خصاويك المعفنه انت وغيرك وفوكاها يناجن ابلاش ويخلفن لخلقتك الزفرة حتى باجر تتباهه بيهم ومتحملتك انت وجهالك وشغلها ودورته والحبالة واكلان الخره مال المجتمع وتجي تستهزأ بالمره العربية المسكينة اذا رادت شوي تتمتع بابسط واسخف الشغلات،  تضحك ع شعر الابط؟  ليش مو انتو تردون النسوان فوق ضيمهن 24 ساعة زالطات لخصاويكم الخايسة؟ تتعجبون اذا ركبت بايسكل وانتو تلطمون اذا منعوا التدخين بالاماكن العامة لو منعوا الشرب،  تتعجب اذا وحده تعيط بيك بالباص او المترو ليش انتو تباوعون للنسوان مثل البشر؟  نحس عيونكم سنون تنهش بينا،  لا وفوق كل هذا تريدها تدفع الحساب حتى تزقنبك،  اوك ادفعلك الحساب بس لمن احصل كل حقوقي مثل نساء الغرب.. بس هيه المره لازم تنطي تنطي وماتاخذ واول ما تداعي بحقوقها يقولولها هم انطي يلا عود تاخذين.. يستزأون دفعي الحساب الاول يلا تطالبين بحقوقج والمجتمع موكلها خره لو بعد قرون تدفع حساب وتربي لحية مو بس شعر اباط محد ينطيها تفله من حقوقها. 

كلنا نتمنى ونقول نريد واحد حلو وسكسي بنات وولد كلنا بس، بعدين، الولد يتزوج الحلوة الخريجة الرشيقة المرتبة بت الناس والبنية تتزوج الاملح الي ميشوف دربة من كرشه ويادوب يقره بس صارت عنده فلوس لان حواسم لو بحزب. 

بعدين لا تخلط بين المره الغربية والعربية،  هذيج تطالب بشي بعده سنين ضوئية عن الي تطالب بيه المرأة العربية،  فماكو مجال مقارنة.  ليش هيه منو الي تقدر تمشي بشارع عربي لابسه مزلط وايديها طالعه حتى يبين مسويه اباطاتها او لا،  شكد نسبتهن؟  ومنو هن الي يلبسن زلط غير الغنيات من الفنانات و ع شاكلتهن الي اخر همها حقوق مرأة واول همها تكون سكسي وبالتالي مستحيل تربي شعر اباطها. 

الي طالبن بركوب البايسكل والي يعتبر جريمة عظمى عدنا هن العراقيات المكرودات الي لحد الان يبيعوهن ويشتروهن بسوق النخاسة وياخذوهن فصلية فيوم الي تتمرد وتحاول تكسر حلقة صغيرة من سلسلة كبيرة تكونت عليها من سنين وقيدتها بزنزانة مجتمع ابوي تصرف طبيعي،  الفيل ما ينوكل لقمة وحدة، حلقة حلقة. 

شنو هن ذني الحلقات وشلون صارت قيد؟  حلقة لبسي حجاب،  حلقة لبسي عباية،  حلقة ما تدخنين،  حلقة ما تشربين، حلقة ما تركبين بايسكل،  حلقة الي تسوق سيارة كحبة، حلقة الي تشتغل بشركة اهلية كحبة،  حلقة الرجال يشتغل ويصرف المره عيب،  حلقة لعنة الله ع المرأة المشعرة وع الرجل الاملس،  حلقة تعدد الزوجات،  حلقة الولد يصاحب عادي بس البنية تعتبر كحبة،  حلقة اذا اعتبرت كحبة تنقتل الولد ميسووله شي.. وآلاف الحلقات الثانية.. الي تشكلت من قبل 1400 سنة وجاي تزيد مو تنقص شكو بيها لو نبدي نكسر حلقة حلقة؟  

Share:

Read More

مطرقة بـ$500

ايفان الدراجي

If Iraq started apply that fine, there will be a revolution, people will claim their right and freedom to throw trash in the roads. 

They will establish a party called (Proud to be dirty), a movement will start to appear called (Together toward a dirty country). Activists will gather in the (Al Mutanabby st.) to lead a campaign (I am an Iraqi, I am dirty)

They will say this is our right the government cannot force us to pay a fine for throwing a trash in the roads, we are a free country, because this is how they understand freedom!

اذا هيجي قانون يحاسبك على رمي الاوساخ بالطرق ويخسرك غرامة $500 يتطبق بالعراق، رح تسوي الناس ثورة يطالبون بيها بحقوقهم وحرياتهم بتوسيخ الشوارع ببلاش ، ورح يتشكل حزب اسمه (وسخ وافتخر) وحركة اسمها (معا نحو وطن قذر) ورح تلقى مجموعة من الناشطين يقودون حملة بشارع المتنبي تحت شعار (انا عراقي، انا قذر) .

رح يقولون ما رح نسمح للحكومة تجبرنا ندفع غرامة ونلتزم بالقانون لان هذا بلد حر.. اي هم هيجي يفهمون الحريات!

Share:

Read More

دولة تعاني التهاب رئوي مزمن

ايفان الدراجي

شلون تعرف الدولة الي عايش بيها صحيّة وناجحة؟ عوفنا من كلمة وطن وغزليات عبد الرزاق عبد الواحد. نرجع، تعرف الدولة مالتك صحية وتمشي على ثنين رجلين مو تعرج على رجل وحدة وفوقاها عايبه من تصير بيد النسوان. شلون؟

عندي مقال قديم عنوانه (تخيلّوا معي كيف سيكون شكل العالم لو حكمته امرأة؟) كتبته من جنت عايشه بدولة عرجة اسمها العراق، عرجة وتعاني التهاب رئوي مزمن هماتين باعتبارها دولة ذكورية ولان 99% من رجالنا يدخنون فصايرة لويصه، اذا تتفل الدولة يطيح رجال! خنقتونا والحمزة. عوفك من الوصف خاصة فقرة تعرج على رجل وحدة عايبه، طبعا عايبه لان رجالنا مشوهين فكريا وجغرافيا. هسه تقولون هاي شبيج تتهجمين على الرجال. الجواب الأول: هاي الحقيقة الآنية المتوفرة وفقا لإحصاءات الساعة لتركيبة الرجال المتواجدين حاليا بدولتي –السابقة- المريضة، الجواب الثاني: بكيفي.

حاليا انا بدولة صحية تماما لانها تركض مو بس تمشي على رجلين ثنين ورشيقة وشحلاتها ملضومة لضم نسوان وين ما تروح، تبديها من سياقة الباصات العامة لحد اعلى مركز بالحكومة وانت وخيالك. كل شغل اشتغلت بيه وكل وظيفة هنا جانت مديرتي مره. كل دائرة حكومية راجعت بيها اغلب الي يشتغلون بيها نسوان، المجال الصحي كله نسوان المجال القانوني كله نسوان وهلّم جراً. ومو عبالك مثل نسوانه يكعدن بالدائرة يقلّمن باميا وأبو فلان رح يتزوج عليه ويكصن بهاي شلابسه وهذيج مصاحبة فلان لا، نسوان حوك ترجف رجف وتحسبلهن الف حساب من تتعامل وياهن. كائن بشري سليم مو معوقة فكريا وجغرافيا بسبب تراكمات أيدلوجية خلتها تقوقع نفسها بشخصية ام فلان الخدامة الزوجة رقم سين الأخت الفاضلة المنكوحة الزايرة الحاجة البطيخة. هنا تلقى الزلم اكثر شي لو بقسم الـ IT لو بالـ technicians عمال يعني لو مبرمجين لو شغلات شاقة عضلات اغلب شي، اما شغل الإداريات والقيادة و طولة البال والمالية كلها بيد النسوان والنعم منهن عرفن شلون يديرن هلبلد بحيث لفّانه وعوضنا أيام العوق والعرج والكحة بسبب الالتهاب الرئوي المزمن.

ملاحظة زغيرونة: عود احنا ليش نكتب بالعربية الفصحى وهي لغة منقرضة وميتة عبالك واحد لابس عباية امرؤ القيس ويمشي بنص الحمرا هو وبعيره؟ كل العالم يكتب بلهجته محد معبر انجليزية شكسبير على سبيل المثال ومحد مستعر من لجهته بس احنا نفيك ... اوف علينا!

Share:

Read More