Saturday, April 24, 2010

اسئلة غبية بس منطقية..!!




يعني احيانا تتوارد على الاذهان بعض الاسئلة الي تثيرها المؤثرات والممارسات بحياتنا اليومية او حتى تحركاتنا احنا وستايل حياتنا..

مثلا:

سؤال غبي بس يعني اجه ابالي وما عرفتله جواب:

الي يتزوج اربع نسوان، شلون يكتب اسمائهن بحقل (اسم الزوج) ببطاقة هويته؟

يعني يكتب الاربعة، لو الاولى بس؟

واولاده من الثانية او الثالثة، فرضا عدهم معاملة او مراجعة باحد الدوائر الحكومية ومطلوب هويته وهوية الوالد، يعني يجي الموظف اسم الام شكل، واسم الزوجة بحقل هوية الوالد شكل، هاي شلون؟

زين سؤال غبي ثاني مرتبط بالسؤال الغبي الاول، ليش اربعة، شمعنة؟

يعني ليش مو سبعة او ثلاثة مثلا؟

وليش الرجل يتزوج اربعة واحنا (النساء) واحد بس؟ يعني مثلا عاجبني اتزوج ثلاثة ، مثلا!

زين...

فلسفة لافلاطون: ان الانسان كان اصلة كامل ببداية خلقة، يعني اعضائة كاملة واطرافة وحتى الاعضاء التناسلية كاملة بجسمة، بس زيوس (رب الارباب) غضب وغار لان ميحتاجة الانسان، اي مو كامل، فأمر رب البحار يضرية صاعقة ويقسمة نصين ويضيعهم، حتى يظل الانسان يبحث عن نصه الثاني!

زين...

يعني على وفق هاي الفلسفة الرجل اله اربع انصاف؟! والمرأة واحد؟!

وللأمانة يعني هو الرجل الي يتزوج اربعة يعني... يعني هي الوحدة منا ويا دوب تُحتمل مو النوب اربعة!!!

0 comments: